मेरिटोक्रेसीमा त्रिविमा उपकुलपति नियुक्ति गर्न नेविसंघको माग

राजनीतिक भागबन्डाका आधारमा उपकुलपति नियुक्ति नगर्न नेविसंघ त्रिवि इकाई समितिले आग्रह गरेको हो । सभापति विष्णु बडैलाले शुक्रबार विज्ञप्ति जारी गर्दै सरकारसँग निष्पक्ष, पारदर्शी र प्रतिस्पर्धात्मक नियुक्तिको प्रक्रियाअघि बढाउन माग गरेका छन् ।

शिक्षामन्त्री तथा सहकुलपतिका संयोजकत्वमा गठन हुने सिफारिस समितिको सिफारिसका आधारमा प्रधानमन्त्री तथा कुलपतिले उपकुलपति नियुक्त गर्ने व्यवस्था छ ।

प्रधानमन्त्री केपी शर्मा ओलीले शिक्षामन्त्री रघुजी पन्तको संयोजकत्वमा तीन सदस्यीय सिफारिस समिति गठन गरेका छन् । समितिमा शिक्षासचिव दीपक काफ्ले र राष्ट्रिय योजना आयोगका शिक्षा हेर्ने सदस्य गीता अधिकारी पौडेल सदस्य रहेका छन् ।